Ari usaha mah usaha ieu teh bah, menerkeun sagala rupa kasalahan .. Ngaleungitkeun sagala rupa kabiasaan goreng .. Ngan geuning naha atuh meuni asa ku hese .. Naha niat kuring nu teu panceg ? Naha hate kuring nu can bisa ngalawan gogoda ? Naha emang kuring teu bisa ?

Kudu kumaha atuh bah ?

Kudu kumaha ?

Umur beuki ngurangan, ari dosa beuki ngalobaan .. Ampun ya Rob .. Ampun ..

Mugia tobat abdi nu sakieu hina na .. Tiasa janten pangherang cai nu kiruh ..

Ngan jigana kuringna nu nepi ka ayeuna masih keneh osok poho kana nikmat Allah eta. Makana sababaraha minggu ayeuna, kuring diingetkeun ku Gusti Allah. Dipasihan cocoba. Ti mimiti urusan pagawean, pangulinan nepika urusan hate kuring.

Ya Allah, ayeuna kuring mah sadar. Yen loba pisan nu kudu dibenerkeun ku kuring dina kahirupan kuring. Ti danget ayeuna, kuring bakal berusaha sakuat tanaga pikeun ngabenerkeun hirup kuring.
Alhamdilillah, sagala puji jeung syukur ngan ukur ka Anjeun, Gusti nu Maha Mikanyaah.

Oh enya, kamari pendak jeung si abah deui. Enya da kamari-kamari mah meuni hese hoyong pendak jeung si abah teh. Bongan ceunah mun bulan puasa jiga ayeuna, sampah teh lain nyaeutikan, malah ngalobaan. Komo mun sore-sore memeh buka. Da eta mah plastik jeung bungkus kadaharan meuni ngalayah. Ceunah paruasa .. Tapi naha nu miceun sampah makin loba nya bah .. Mamayu kitu ari keur puasa barangdaharna ?

Ah nyeta tuh ..

Ke ke ke .. Memeh kapopohoan deui, wilujeung Iedul Fitri ah kasadayana .. Pribados neda dihapunten tina sagala kalepatan ..

Bah, kamana ? Tuh nya si abah mah kabur weh .. Ah tuh sim kuring ge ngilu kabur we .. Mangga atuh wilujeung .. Kin urang sambung deui ..

Tah, kulantaran kitu. Sababaraha jam nu katukang kuring (CWebber) nginstalkeun atawa ngupload hiji aplikasi nu bisa nampung link ka website atawa blog dulur kabeh. Mangga we cobian geura, da tinggal daftar terus nginput linkna.

Gratis alias teu mayar. Tong boro mayar, link balik oge teu menta. Tah kitu, dimana ceunah atuh alamatna. Alamatna nyeta di fURL - Favorite URL (http://furl.cwebber.net). Mangga tuh ah, diantos di TKP we langsung. 86 ..

kumaha atuh daramang, teh liez, six4sep, neng rita jeung nu sanesna .. ?

sim kuring mah alhamdulillah. Kieu we .. nya meureun kahiji ju seeur pidamelen, ju seeur cabakeun, ju seeur emuteun. Asa diberedeg ku waktos ieu teh da. nu hiji kedah beres ayeuna, nu hiji enjing, nu hiji pageto .. bunuh we bunuh ..

teu ketang, dipidamel naon ge. Mudah-mudahan janten berkah. Daripada teu dipidamel janten mamala.

enya lah, pidu’a na we ti sadayana. mugia lancar sagala rupi na ..

eleuh geuning .. geus kolot ..

Cobi geura dongkapan .. insyaalloh seeur nu tiasa dicandak ti dinya .. komo deui pami nuju milarian bantosan kangge ngadamel web .. pas pisan lah pokona mah ..

Bilih aya nu bade icalan atanapi milarian sagalarupi, mangga diantos di iklanZIP.com “Laris Manis & Untung Terus”. 100% Gratis *. Dongkapan ayeuna oge, mumpung nuju promosi tur gratis ..

IklanZIP.com “Laris Manis & Untung Terus”.

kakuatan banteng ngelehkeun tengwaja .. ti mimiti wasit niup pluit, Spanyol geus mulai nyieun barisan tukang Jerman adug ajer .. maenkeun striker Tunggal nyeta si Torres, Spanyol malah jadi leuwih agresif .. Xavi Hernandez, Cesc Fàbregas jeung Iniesta nu jadi jendral di lapangan tengah jigana boga andil nu gede ngajadikeun Spanyol jawara.

Jerman sabenerna teu goreng maenna .. Sababaraha kali oge nyieun peluang nyetak Gol di gawang Iker Casillas .. tapi eweuh nu jadi .. si Ballack we karunya .. geus mah maen maksakeun da aya nu karasa .. tuluy eleh .. Jigana julukan Mr. Runner Up teh emang pas pisan jang si manehna .. Unggal-unggal asup ka pinal di kejuaran naon wae ge, si Ballack mah can pernah jadi jawara .. pernah ketang bareto pas lomba agustusan .. hehehehe

Tah, beres piala Eropa .. jigana giliran urang yeuh bebenah .. kumaha mengbal di urang .. aya kamajuan teu .. atawa ti bareto kitu-kitu keneh .. piraku, rek nepika iraha urang ngan saukur jadi panongton .. apa ngga malu ..

Ceuk si Abah “Dek mah teu ngarti, piraku tina dua ratus juta leuwih jelema di urang .. eweuh sabelas urang nu bisa alus mengbal na !” .. Sabenerna mah loba Bah .. ngan di urang mah nu kitu teh teu dibina .. Coba mun jiga di batur, tingali C. Ronaldo .. umur belasan taun geus dikontrak ku Manchaster United .. lamun di urang mah umur belasan taun, masih keneh ngudag langlayangan di sawah .. .. jiga kuring bareto ..

Ari Pangeran Biru kumaha damang .. Heug ah, kuring mah moal hianat .. nepika iraha ge “Bagimu Persib .. Jiwa Raga Kami .. !”

Data jeung Fakta pinal Euro 2008

Stadion : Vienna - Ernst Happel

Mun tina itung-itungan mah Spanyol jauh atuh diluhureun Rusia. Pamaen-pamaen na ngarora, skill na aralus, jeung pangalamanna ge teu kudu diragukeun deui. Lini tukang nepika lini hareup kabeh rata kakuatanna. Sebut we Casillas, nu ngajagaan gawang. Kurang kumaha jago manehna ngiperan di Madrid. Tuluy Puyol, manehna can pernah absen jadi ponggawa di Barcelona. Atawa Xavi, pan si eta mah jendralna lapangan tengah. Di harep, tong ditanya lah suburna David Villa top skor ayeuna, atawa Fernando Tores. Beuh, moal aya weh !

Tapi, Rusia ge lain lawan sembarangan. Si beruang madu, eh beruang kutub ieu boga kakuatan nu teu satiap tim boga. Kakompakan, semangat juang, jeung disiplin. Komo bari dilatih ku Guus Hiddink. Pan apal meureun kumaha Korea Selatan nu asalna teu jadi tai kuku-kukuna acan di Piala Dunia bisa asup ka Semi Final piala dunia, atawa Australia nu tadina ngan ukur panongton jiga urang bisa lolos ka babak kadua Piala Dunia 2006.

Perang budak ngora, enya tuda. Ampir rata-rata kabeh pamaen di Spanyol rejeung Rusia masih keneh ngarora. Jadi, pasti pirameeun weh. Ulah teu nongton kade. Jam hiji ke isuk.

Ceuk si abah, “Lamun Rusia maenna stabil kawas kamari. Jigana dek mah rek ngadukung Rusia we ah”. Ngan diajakan samsuan masih keneh embungeun si Abah teh ..

Ceuk kuring pan tadi .. kuring mah ngadukung nu meunang .. hehehe

terakhir nongton pangeran biru teh kamari, pas Piala Persebaya sababaraha waktu katukang .. anu akhirna di final Persib kudu puas gedeg jeung Persebaya.

jigana lamun engke pas Liga Super masih keneh kitu maenna, bahaya tah Maung Bandung bahan moal jadi nanaon deui. kudu rada dibebenah, utamana di bagian striker .. si Atep jeung Hilton M masih keneh can padu.

Jaya Hartono, palatih Persib kudu loba gawe tah. ulah jiga musim kamari, Persib alus di awal hungkul .. kadituna kaclep .. tong nguciwakeun bobotoh deui ah .. komo sim kuring .. pan ti bareto ge sim kuring mah “BAGIMU PERSIB JIWA RAGA KAMI”

gambar dicutat ti :
http://www.persib-bandung.or.id/data/gallery/206_Persib60s20jacket1%5B1%5D.jpg

Jerman VS Turki, kumaha bah prediksi ? Ari ceuk tidieu mah jigana Jerman eung. Rada impresiv tah maenna. Lini ka lini na solid tuluy striker-striker na haus gol deuih. Emang, Turki ge teu bisa diremehkeun. Maranehna tim underdog nu boga semangat juang 45′.

Jigana lamun ditingali tina kualitas pamaen mah, Jerman jauh aya diluhureun Turki. Ti mimiti kiper nepika striker. Kabeh pamaen Jerman kelasna kelas Eropah. Tapi pan mengbal mah lain itung-itungan dina kertas, Turki, sanajan pamaenna ceunah pamaen kelas 2 di Eropah. Tapi sarumanget jeung kompak maenna. Tingali we kamari pas parapat pinal. Euh, saha atuh nu bisa nyangka Turki rek lolos ? Kabeh jigana ngunggulkeun Kroasia.

Ceuk si Abah ieu mah, bubuhan si Abah mah Panser Mania “Asal Jerman bisa ngasupkeun tiheula weh, Turki moal walakaya. Tapi mun jadina adu pinalti .. dek mah cangcaya Jerman rek meunang !”.

Heuheu, si Abah diajakan samsuan embungeun .. bongan eleh meureun kamari pas Walanda jeung Rusia.

Nya kitu tea we lah, urang tingali we hasilna kumaha. Ari tidieu mah jigana nyekel nu meunang .. hehehe

Eta blog emang jigana geus pindah aliran, lamun bareto mah simkuring ngablog teh estuning sakadaek .. naon we nu hayang diomongkeun .. prak diomongkeun .. mun ayeuna mah henteu .. memeh kuring nyieun tulisan teh .. kuring kudu nungguan heula, batur nu rek nitip tulisan ka simkuring .. pan blog nu eta mah eusina kumaha pamenta batur .. ceuk batur titah nulis soal nu kitu, nya maksakeun nulis nu kitu .. jadi ah .. geus asa lain nu sorangan eta blog teh .. bari kadang teu pararuguh ge tulisanna, nu penting jadi ngebul .. hehehe

Tinggal nu ieu we mereun blog nu masih keneh orisinil mah .. heuheu ..

Ari dipagawean .. asa napak dina dua tempat ieu teh .. pikiran asa ka bagi .. nu hiji aya di kantor .. hiji deui aprak-aprakan teuing ka mana .. nyeta atuh .. kieu ari kuli mah .. mun ngandelkeun ti kantor hungkul .. jigana ripuh .. makana maksakeun we udar-ider teu pararuguh ..

Si Abah kamari naroskeun .. na teu cape kikituan teh, bulak-balik Jakarta-Cianjur-Jakarta-Sukabumi-Cianjur-Jakarta .. ? nya puguh we cape bah .. da kuring mah lain mobil AKAP. Tuluy nanaon atuh, milarian cicis saageung panto ? atawa ngudag setoran ? Henteu sih ari milarian cicis saageung panto mah .. da moal laku .. sanes ngudag setoran deuih da lain supir angkot .. ah ieu mampang mempeung we .. mempeung aya jalanna .. nyaah mun dilepaskeun ..

kekekeke .. ieu teh ngomongkeun naon .. ? hihihi, teu apal .. tatadi ngacapruk we .. teu dimana teu dimana .. di tempat ngadu bako kitu .. didieu kitu ..

bae lah nya, ieu mah urang cacaprukan we .. da ari nyarios nu serius mah wegah .. tapi ah, atosan ketang .. tunuh yeuh .. ehm, memeh atosan .. ngintun salam ah ka mojang bangung nu ieu .. mangga .. lamlikum ..

:ngeng: .. lamun diditu mah kaluar gambar motor ..

kunaon cenah .. kieu pangpangna mah .. sabaraha bulan kalangkung amang abdi aya nu katipu, muhun katipu .. pan putra na teh bade lebet ka PTN (Perguruan Tinggi Negeri) ngangge jalur PMDK (…) .. tah ceunah, aya dosen di eta PTN anu wantun ngajamin yen putra amang teh pasti lebet ka PTN eta .. ngan .. kedah ngangge acis kangge pangleueur ..

atuh pun amang teh asa dijalanan mereun nya .. der weh masihan acis, duka sabara-sabaraha na mah .. mung jigana cekap weh kangge uang muka nyandak Honda Tiger di FIF mah ..

ari pek teh, pas waktosna pengumuman, si dosen eta na teu aya .. putra pun amang teu lebet .. acis (nu cekap kangge uang muka nyandak Honda Tiger di FIF) oge lapur .. sutress pan ..

tah eta, da ari sagala rupa hayang ku jalan gampang tur gancang bari teu puguh mah .. ngandelkeun duit jeung duit we .. tong boro nu bade janten pejabat geuning nya .. nembe bade janten mahasiswa tos kitu .. kahiji dijalanan tuluy weh dilayanan .. puguh we maceuh ..

leheung mun bener make duit teh .. ieu tos katipu jiga pun amang .. pan mereun cilaka dua welas .. geus mah dosa sugak sogok, pamaksadan teu hasil, duit lapur .. halah .. kumaha tah bah ? “teuing, dek mah tara sugak sogok .. paling nyogok pamajikan we mun aya di imah .. hehehe “

Model bareto we pas PD 2006 .. pan penyisihan Itali jiga nu geus eweuh harepan .. eh naha ari pas beresan, pan jadi jawara.

Jigana masalah Itali mah ngan hiji, pamaenna geus karolot. Ari skill jeung nu lianna mah jigana pang jagona lah sa eropah mah. heuheu .. Azurri tea .. ngan eta we geus barau taneuh pamaenna ..

Sok lah bah, wani taruhan samsu deui ge

Biasa, pami pendak sareng batur hereuy, sok tara apal tempat, eh banyol teh kawas di kampung we. Selih ledek, silih sendul, silih surung, silih babuk .. eh henteu ketang ari silih babuk mah. Atuh batur nu narngalikeun teh araneheun. Puguh mah kalakuan jiga budak mereun, katambih ngangge babasaan, basa sunda [urang sunda nyarios sunda]. Persis we jiga alien.

Abdi (A) : Beul, ari maneh jam sakieu gawe keneh. Rajin amat sia mah, sugan gajihna sajuta sapoe mereun nya.
Rerencangan (R) : Wae, puguh mah can tutup we mall na, da mun tutupna jam 1 beurang mah ana ge ngilu tutup.
A : Oh maneh sok balik.
R : Nya heeuh atuh, piraku ngendong didieu.
A : Ari sugan teh sakalian nyatpaman didieu. Pan bareto ceunah rek neangen duit sagede panto.
R : Tadina mah kitu, ngan ah da geuning teu laku duit sagede panto mah. Nu laku na ge nu raleutik we duit teh.

Jigana, teu istri teu pamegeut. Pami tos pendak sareng rencang ngobrol caket mah. Resep we ngobrol teh. Sagalarupa diobrolkeun. Ti mimiti padamelan, kabogoh [can gaduh], dulur, kulawargi, jeung sajabana.

Da asa norolok atuh waktu teh, teu karaos pisan. Abdi dongkap ka ITC teh tabuh satengah dalapan, na da ari pas ningali jam deui teh tos jam salapan kirang lima.

Ngantosan heula weh rencang abdi tutup kios, teras ngendong di kossanna. Da bade nongton Portugal ngalawan Ceko (3-1). Ieu ge nembe dugi di kantor, bari tunduh lumbang limbung .. Untung we tadi ditinggang heula ku kopi pain pait jeung roti bunhaw (alah, asa lagu Doel Sumbang nya) .. jadi weh lumayan rada seger deui ..

Ah nyaeta atuh, sakapeung mah sok sono ka rerencangan-rerencangan nu tarebih teh. Sok hoyong ngumpul ngariung jiga jaman bareto deui .. Tapi da kumaha, ngintun du’a we, mugia sadayana sing aya dina kasehatan jeung kaberkahan .. Amin ..

Kumaha yeuh .. Itali teh geuning eleh ku Walanda .. Loba deuih elehna, 3-0 .. bangun nu teu sumanget maen Itali teh. Donadoni na sih .. coba si Del Piero diasupkeun ti awal .. moal parah-parah teuing kitu meureun.

Ah, nyaeta atuh .. Eleh weh kuring taruhan .. Bener ceuk si abah “Walanda teh pamaenna ngarora keneh, bari arajib deuih skilln” .. Enya lah bah, kuring eleh .. Gudang Garam beureum sabungkus jang si abah.

Abdi nu kamari-kamari rada beuki kana balap, ningali kitu mah asa jadi sararieun. Da mereun lamun maot cilaka keur babalapan dina motor mah lain alus katingalina. Batur moal jadi karunya, malah mupuas. Bongan we ceunah babalapan ! Komo lamun cilaka na teh mamawa batur, nabrak atawa ngabonceng, pan manjang meureun urusanna.

Safety Riding, eta meureun nya koncina. Da ceunah ari babalapanna tur make aturan mah moal matak picilakaeun. Enya kitu ? Ceuk si abah ieu mah “Ari cilaka mah lain nu balap hungkul, nu keur laun disisi ge bisa cilaka katabrak batur !”. Enya oge sih bah, tapi pan mereun lamun urang na teu babalapan mah resiko cilaka na leuwih saeutik.

Ieu teh akibat gampangna jalma ayeuna boga motor jigana. Sok coba, asal mawa duit 300 rebu, potokopi ktp, jeung potokopi kartu kulawarga geus bisa mawa balik motor ti dealer. Bari kudu mayaran ge unggal bulan. Meni asa loba motor teh atuda. Beda jeung jaman kuring bareto diajar motor.

Tuluy deuih loba kolot nu mikeun budakna mawa motor, padahal eta budak teh can boga SIM. Pan picilakaeun pisan mereun. Puguh ge ari SIM teh keur nangtukeun meunang henteuna jalma mawa motor / kandaraan. Lamun can boga boga SIM, berarti teu meunang mawa motor. Kitu mereun ?

Tapi teu apal ketah ayeuna mah, da model si abah kamari. Pas budakna menta motor, kalakah diomongan kieu budakna teh “Heg ku dek dipangmeulikeun, ngan moal motor hungkul, tapi jeung boeh keur nyaneh“. Da ceuk si abah, mangameulikeun budak motor ayeuna, sarua jeung nitah maot ka budak teh.

Ari kitu tea mereun, asal urangna salawasna ati-ati tur konsentrasi mah insya allah moal cilaka. Nya dina cilaka na ge, moal parah-parah teuing sugan. Ah jigana mah ulah babalapan we lamun emang teu keur buru-buru [nu penting] mah. Komo lamun ngan saukur jang gagayaan mah. Sok jadi ijid soalna ningalina ge, lain gaya.

Sing inget ka kulawarga nu nungguan di imah. Kumaha lamun urang balik teh ngan tinggal jasad !

Si abah nyalira, aslina urang Malingping Banten. Di Jakarta anjeunna damel di dinas kabersihan. Tadina mah ku abdi bade dipiwarang nyerat nyalira dina ieu blog. Mung ceuk si abah “Dek mah boro-boro tulas tulis nu kitu, nulis kwitansi geus teu kadeleh !”. Janteun weh, cariosan atanapi obrolan sareng si abah ku abdi dicutat sabagian kangge bahan tulisan abdi dina ieu blog.

Bilih ieu mah kapayunna, abdi nyebat-nyebat si abah. Berarti si abah teh, si abah nu di diieu dicarioskeun.

Nami : Si Abah “Ulah diasupkeun ngaran dek nu asli, bisi keh dek diudag-udag wartawan”
Asal : Malingping, Banten “Pokokna mah teu jauh ti Pom Bensin weh imah dek mah”
Padamelan sadidinten : Bebersih / sasapu di jalan “Makana tong ngabala wae beul, dek cape sasapu teh”
Karesep : Kopi pait jeung gudang garam bereum “Tong nyebut jiga jin siah ka dek !”
Kulawargi : Garwa hiji “Hayangna mah dek nyandung, ngan sieun teu kaparaban“, putra opat, pameget sadayana “Moal nambahan deui jigana mah, da dek na ge geus jarang nyawah, hehehe“

Weungi engke Piala Eropa 2008 ngamimitian. Ajang ngadu skill jeung strategi pamaen-pamaen Eropah anu geus kasohor jadi “penyihir lapangan hijau”. Da atuh Eropah mah lir ibarat kiblatna maen bola. Makana jigana, jeung Piala Dunia mah Piala Eropa moal pati jauh ramena.

Pokona 22 poe kahareup mah, urang popohokeun saeutik soal BBM jeung FPI. Mending urang jongjon ningali Cristiano Ronaldo atawa Luca Toni nyieun Gol.

Simkuring ti jaman bareto ge can pernah hianat, salawasna ngadukung Azzuri. Ti jaman Roberto Baggio nepika Luca Toni ayeuna. Weleh we mun Azzuri maen teh kajeun liwat gawe.

Salian jang hiburan, Piala Eropa jigana wajib tah ditonton ku jajadug-jajadugna PSSI. Kumaha kituh yeuh, piraku teu sumanget ningali batur sepak bola na maju. Tong wara ningali nu di Eropah lah. Ieu mah di SEA Games weh. Na, meuni kacida-cida teuing. Ti 200 juta urang leuwih eweuh 22 urang nu bisa diandelkeun make kostum merah putih.

Coba etah kamari, persahabatan ngalawan Malaysia. Meuni jiga nu ripuh teh. Boro bisa meunang loba, ngaleuwihan hiji gol ge henteu. Padahal mah Malaysia nurunkeunna barudak raleutik keneh, rata-rata 20 taun umur na ge. Ari ti Indonesia, kabeh tarurun. Jigana 2020 na PSSI teh ngan saukur impian nu moal jadi kanyataan mun kieu terus mah.

Cik atuh, nu korupsi loba, rakyat mariskin, tukang jagal ngajabreg ge,  atuh maen bolana jago. Biheung jadi jawara dunia atawa asia. SEA Games weh, bawa balik deui ka Jakarta. Insaloh rakyat teh da moal pati teuing sangsara mun ningali pamaen bolana arajib mah.

Langkung rame didieu : http://en.euro2008.uefa.com

Tapi ulah salah, nyatana loba nu resepeun ka ieu grup ben teh. Lain budak ngora hungkul deuih, kolot ge loba nu kagegeloan.

Emang sih, laguna rada lumayan ngeunaheun bari teu paruguh oge. Aransmen musik nga bit, matak sumanget weh pokona. Rada cocok lamun didangukeun na teh isuk-isuk memeh indit gawe. Asal ulah jadi teu indit weh gawena, da kaingetan kana cangcut wae. he2x ..

The Changcuters

- Tria Changcut (Vokal, harmonika jeung tamborine)
- Qibil Changcut (Gitar, keyboard, vokal)
- Dipa Changcut (Bass jeung sora aneh)
- Alda Changcut (Gitar)
- Erick Changcut (Drum jeung perkusi)

Dicutat ti :
http://www.thechangcuters.com/
http://www.myspace.com/thechangcutersrock

Kasalahan, kahilapan, pasti aya di satiap jalma nu hirup. Tapi naha emang kudu kabeh disanghareupan ku jalan silih nyilakakeun. Bangunna teh moal aya tungtungna lamu kitu terus mah. Asa aing pang benerna we salawsna.

Kade ah, batur sadulur, rencang sagalang. Urang mah kudu bisa nyonto ka Nabi. Dibaledogan, dihina, nepika ceuk paribasana diciduhan wae ge masih keneh bisa ngahampura. Tara sugan ngabales ku jalan nyilakakeun. Pan urang teh meureun umat Nabi, nu salawasna kudu nyonto ka tingkah polah Nabi.

Silih warah, silih ngingetan mah kudu. Ngan jalanna ku jalan nu hade. Pan ceuk Quran ge “Silih ingetan dina kabeneran, silih ingetan dina kasabaran” kitu sanes ? Sanes ku amarah jeung nafsu.

Mangga geura lenyepan . Mudah-mudahan urang janten jalma anu tiasa ngaraksa diri tina parangkap setan.

kiwari, basa sunda nu nyata-nyata basa karuhun urang sunda, tos langki digunakeun. tong boro di kota-kota ageung sapertos bogor atanapi bandung. di cianjur wae ge, sok rada sesah milarian anu masih keneh leres-leres nganggo basa sunda. utamina mah panginten murangkalih sakola. nu seuseueurna tos langkung resep ngangge basa indonesia kangge basa panganteur sadidinten.

pami di sakola hungkul mah teu nanaon eta oge, da kurikulum pangajaran di urang nganggena basa indonesia. mung, pami di luar sakola mah cik atuh ngangge basa sunda. da urang teh aya di ligkungan urang sunda. ari sanes ku urang sunda nyalira mah, ku saha deui atuh basa sunda teh bakal dianggo. piraku ku bule ti amerika mah.

da kumaha atuh, di bumi na oge ku rama sareng ibu na teu dibiasakeun nyarios basa sunda. ceunah pami murangkalih nyarios basa indonesia teh gaya. naha ari nyarios basa sunda teu gaya kitu, da gaya atuh. padahal mah eta teh sami sareng maehan budaya sorangan. enya teu ?

sok sirik da abdi mah. bareto, nuju kuliah di bogor rerencangan cakeut abdi sadayana urang batak. jigana teh, pami urang batak pendak sareng urang batak pasti weh ngangge na basa batak. naha ari abdi, sok asa ku sesah teh milarian rencang nyarios sunda. padahal mah pami teu leupat, insyaallah deuih moal leupat bogor teh masih keneh lingkungan sunda.

alesanna teh da basa sunda nu tiasana mung basa sunda kasar. atuh keun wae. sugan engke mah tiasa janten lemes. ulah ieu mah malah dipopoheukeun.

sok ah, ti ayeuna mah urang biasakeun nyarios basa sunda. minimal di lingkungan kulawargi heula, teras dipangameungan, atuh sugan engke mah di padameulan. pan ceunah inohong na jawa barat teh gaduh program, yen basa sunda hoyong dijantenkeun basa nasional kadua saatos basa indonesia. ari tara dianggo mah pamohalan janteun kadua.

sakali deui urang sunda nyarios sunda.

catetan
hoyong dilereskeun ah ku pamiarsa sadayana. upami ieu tulisan teh aya kaleupatan kalepatan.